كيفاش تضمن لمركز اللغات ديالك أقسام عامرة طيلة السنة؟
السوشيال ميديا اليوم هي أكبر منجم ديال الطلبة والزبناء الجدد لمراكز اللغات.. ولكن المشكل ماشي فـ الفيسبوك ولا إنستغرام، المشكل فـ الطريقة العشوائية باش كتخدم بها أغلب المراكز.
والنتيجة؟ كراسي باقين خاويين، أساتذة كيتسناو الخلاص، والفلوس مشات فالريح. السوشيال ميديا خدامة وكتعمر القاعات.. ولكن خاصك نظام فلترة دقيق كيجيب ليك غي الطالب اللي عندو هدف وباغي يخلص التسجيل.
شكون اللي معني بهاد العرض التكتيكي؟
هادشي ليك إلا كنتي بادي جديد وبغيتي تعمر أول فوج ديالك بلا ما تخسر ميزانية خيالية ولا تدخل فـ حرب تخفيض الأسعار.
هادشي مناسب إلا كان المركز ديالك قديم فالسوق، ولكن حبستي رقمياً وباقي معول غير على بوش-آ-أوريي وملاحظ نقص مستمر فالإقبال.
هادشي مناسب إلا عييتي من الميساجات الخاويين وبغيتي نظام كيجيب ليك طلبة الفيزا والتكوين (Ausbildung / TCF / IELTS) اللي عندهم القدرة يخلصو ومستعجلين.
إلا كنتي واحد من هاد الفئات، هاد الاستراتيجية اللي غادي نوريك هي الطريقة الوحيدة باش ترجع المبادرة للمركز ديالك وماتبقاش تحت رحمة الصدفة.